मङ्सिर ५, काठमाडौं । झापा क्षेत्र नम्बर १ मा प्रतिनिधिसभा सदस्य उम्मेदवार रहेका नेपाली कांग्रेसका महामन्त्री विश्वप्रकाश शर्मा अगाडि छन् ।
४ सय मत गणना हुँदा उनी २१७ मतका साथ अगाडि देखिएका छन् ।
उनका निकटतम् प्रतिद्वन्द्वी नेकपा एमालेका उम्मेदवार अग्नि खरेल १०३ मतका साथ दोस्रो स्थानमा छन् । २०७४ को प्रतिनिधिसभा निर्वाचनमा महामन्त्री शर्मा नेकपा माओवादी केन्द्रका नेता सुरेन्द्रकुमार कार्कीसँग पराजित भएका थिए ।
कार्की ३६ हजार १७३ मतसहित प्रतिनिधिसभा सदस्यमा विजयी हुँदा शर्माले ३३ हजार ३१० मत पाएका थिए ।
त्यसअघि उनी २०७० को संविधानसभा निर्वाचनमा एमालेका रबिन कोइरालासँग हारेका थिए ।