फागुन १८, किभ । रूसले युक्रेनमाथि आक्रमण गरेको सातौं दिन दुई मुलुकबीच दोस्रो चरण वार्ता गर्न तयार भएको छ ।
समाचार संस्था एपीका अनुसार वार्ताका लागि दुबै पक्षका अधिकारीहरू तयार भएका छन् । वार्ता कहाँ र कतिबेला हुने भन्ने टुंगिन बाँकी छ ।
रूसी अधिकारीहरूले बुधबार साँझ वार्ता हुन सक्ने बताएका छन् ।
यसअघि गत आइतबार बेलारूस र युक्रेनको सीमामा युक्रेन र रूसी अधिकारीहरूबीच भएको पहिलो चरणको वार्ता बिना निष्कर्ष टुंगिएको थियो । (एजेन्सी)