फागुन ४, काठमाडौं । खाना पकाउने ग्यास सिलिण्डर विस्फोट हुँदा कांग्रेस नेता एवम् सांसद चन्द्र भण्डारी र उनकी आमा हरिकला भण्डारी घाइते भएका छन् ।
काठमाडौंको बुद्धनगरस्थित उनको निवासमा हिजो राती ग्यास सिलिण्डर विस्फोट भएको थियो ।
राति साढे दस बजे खाना खाएर सुतिरहेको बेलामा सिलिण्डर विस्फोट भएको उनको पारिवारिक स्रोतले बतायो ।
कांग्रेसका महामन्त्री विश्वप्रकाश शर्माले ग्यास सिलिण्डर बिस्फोटबाट घाइते दुबैजनाको उपचार किर्तिपुर अस्पतालमा भइरहेको जानकारी दिए ।
डाक्टरहरुको अनुसार चन्द्र भण्डारीको शरीरको करिब २५ प्रतिशत र उनकी आमाको करिब ७० प्रतिशत भाग जलेको भण्डारीको सचिवालयले जनाएको छ ।