असोज ३०, काठमाडौं । सताब्दी पुरूष सत्यमोहन जोशीको निधन भएको छ । उनको १०३ वर्षको उमेरमा निधन भएको हो ।
आइतबार बिहान ७ बजेर ९ मिनेटमा उनको उपचारकै क्रममा निधन भएको पारिवारिक स्रोतले जानकारी दिएको छ।
२४ दिन अघि अस्पतालमा भर्ना भएका शताब्दी पुरूष सत्यमोहन जोशीको आइसियूमै राखेर उपचार भइरहेको थियो ।
स्वास्थ्यमा समस्या देखिएपछि उनी असोज ७ गते किष्ट अस्पतालमा भर्ना भएका थिए । उनलाई डेङ्गु संक्रमण देखिएको थियो । पछिल्लो समय उनलाई छातीमा निमोनियाको संक्रमण र पिसाबमा संक्रमण देखिएको थियो ।