माघ २१, काठमाडौं । भ्लगर चेतन कार्की सिन्धुलीबाट पक्राउ परेका छन् । प्रहरीले उनलाई ब्राउनसुगर र गाँजासहित पक्राउ गरेको हो ।
गोलन्जोर गाउँपालिका-७ खुर्कोटको राजमार्गस्थित प्रहरी चेक पोइन्टबाट प्रहरीले उनलाई १९ गते पक्राउ गरेको हो ।
बर्दिबासबाट धुलिखेल आउँदै गर्दा प्रहरीले तलासी लिँदा कार्कीको ट्र्याकको खल्तीबाट ४.१३० ग्राम ब्राउन सुगर र गितारको कभरबाट ६.९४० ग्राम गाँजासमेत फेला परेको जिल्ला प्रहरीले जानकारी दिएको छ ।
प्रहरीका अनुसार उनी माथी लागुऔषध मुद्दामा सिन्धुली जिल्ला अदालतबाट सात दिन म्याद थप गरी अनुसन्धान भइरहेको छ ।