असोज ११, काठमाडौं । अन्तर्राष्ट्रिय मैत्रीपूर्ण फुटबल खेलमा नेपालले बंगलादेशलाई पराजित गरेको छ ।
काठमाडौंको त्रिपुरेश्वरस्थित दशरथ रंगशालामा मंगलबार साँझ भएको खेलमा नेपालले बंगलादेशलाई ३–१ गोलको अन्तरले पराजित गरेको हो ।
खेलको १८ औँ मिनेटमा गोल गर्दै अञ्जन विष्टले नेपाललाई सुरुवाती अग्रता दिलाएका थिए ।
यस्तै खेलको २७ औँ मिनेटमा अञ्जनले दोस्रो गोल र ३८ औँ मिनेट तेस्रो गोल गरेका थिए । यससँगै उनले ह्याट्रिक पूरा गरे ।
पहिलो हाफसम्म नेपालले ३–० गोलको अग्रता बनाएको थियो । तर, खेलको ५७ औँ मिनेटमा बंगलादेशले एक गोल फर्कायो । बंगलादेशका लागि साजाद हुसेनले गोल गरेका थिए ।